إرتضيت أنا بي عزابك

إرتضيـت

إرتضيت أنا بي عزابك وياما كم ضحيت عشانك
إنت في داخل فؤادي ومافي زول قط في مكانك
هسة لما خلاص شعرت بديت تقلل من حنانك
قلبي مابيغفر وحاتك كلمة قلتها في لسانك

قلبي ماأصلاً حنين ماحصل في لحظة لامك
كان بقاسي الويل عشانك ومابيتحمل خصامك
إلا إنت براك قنعت حقيقة باينة هي في كلامك
والله مابندم في بعدك الطريق مفتوح أمامك

سيبني في ناري وجحيمي راضي لو هباها ريحك
لاتفكر لي ترجع ماني سامع لي نبيحك
أصلي غلطان في غناي لما كتر من مديحك
مابلومك مابلومك أفعل الشي اليــريحك

وين خطاي مع خطاك ما خطاك بقت مضادة
أصلي فكر منك أرجع لو فضلي أصل بياردة
لاتفكر إنو حزني والمأسي هي فيني خالدة
بس تأكد ياحبيبي إنو حواء سواك والدة

شعر جميل ومعبر
احيييك

بنت الشيوخ كتب:: شعر جميل ومعبر
احيييك

وأنا أحيك أيضاً علي الكلام الجميل يابنت الشيوخ وعلي تفاعلك مع مواضيع المنتدي