ريدك قايلو هين؟ عبدالقادر محمد عبدالقادر-غناء عبود تبوري-ألحان مخلص محمد علي

أنت ريدك قايلو هين وللا شيتاً بقدر أنسى
وللا قايل فرعو لين فوق وشيش الارض لسى
أبقى كاذب وزول مخادع لو أقولك أقدر أقسى
&&&
يا كنار في روضى غرد يا ما بعدك عشت وحشه
المداين الفيها عايش فيها تايه وكلي دهشه
لا حنان لا ريده بعدك لا غيوم تدينا رشه
&&&
العواطف فينا جافه ياما ياما رحل خريفه
لا غيوم تطرانا مره لا بروق لا شفنا زيفه
والعمر بنعيشو ذكره بالمشاعر الكم عفيفه
&&&
غايتو قنا الصبر حبه لما ترجع لينا تاني
ننسج الاحساس قصائد بيها يبقى عمرنا هاني
ننسى لحظاتنا الاليمه نملى كل الكون أغاني

[quote="ود بعشر"]

مشكور يامبدع ....ونتمني لك مزيد من الإبداع

تسلم ابراهيم