ملتقى أبناء مروي وأبودوم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


Merowe and Abu Dom Forum sons
 
الرئيسيةالبوابةأحدث الصورالتسجيلدخول

 

 أنا لو كتلني الشوق

اذهب الى الأسفل 
كاتب الموضوعرسالة
إبراهيم عبدالغفار
نائب المدير العام
نائب المدير العام
إبراهيم عبدالغفار


ذكر
عدد الرسائل : 165
العمر : 48
العمل/الترفيه : مهندس مساحة
تاريخ التسجيل : 12/05/2008

أنا لو كتلني الشوق Empty
مُساهمةموضوع: أنا لو كتلني الشوق   أنا لو كتلني الشوق Icon_minitimeالثلاثاء أكتوبر 21, 2008 12:06 pm

انا لو كتلني الشوق صدقني ماغلطان
ما انتا خليتني جواب بلا عنوان
تايه مع الايام من باحة لي باحة
شايل هموم الناس وخلق الله مرتاحة
افراحي مقفولة ومالاقي مفتاحه
والشاله زول نسااي من وين تجي الراحة؟
اشواقي يالمحبوب اكبر من الغنوات ولو دار تعرف البي كدي
اسال النجمات
بتقولك المستور وكيفن ملكتا الذات
وكيف انتا في دمي ومستوطن الخلجات
علمني حبك جد كيفن اكون وافي
وكتين يطولبي الليل ويبقى الامان مافي
انا..انت..والاحلام والواقع الجافي بيناتنا اقوى صراع في عشنا الدافي
بس انت ابقى معاي والباقي كلو يهون
اتحمل الالام والخاطر المحزون
باكر طيور الريد تملى الاماسي شجون
في الساعة ديك يازول الدايرو الله بكون
انا لو قتليك بنساك صدقني اكون كضاب
اناكنتا قبلك زول تايه بلا هداي
زي الغمام رحال ماداري وين مرساي
وكتين رايت عينيك وفيهن لقيتو دواي...عادليا عمري الراح حسيت باني شباب
انتا قفلتا باب قلبي ومفتاحو شلتو معاك
خليتني اشوف الكون باهت جمالو بلاك
مشكلتي يالمريود داير اطولو سماك
لكنو ريشي دقاق والجو غيوم وضباب
ريدك بلا ميعاد هبش النسيج الحي
حملني فوق طاقتي اعياني مني ولي
ماقالو في الامثال اخر العلاج الكي والموت دوام واحد وتتعدد الاسباب
القاك معاي ومعاي ..زي لو معاي ياريت ..
زي الحنين والشوق في الغنوة والدوبيت
زي الضفاف والنيل والودعة والسوميت
ما انتا ليا بقيت زي السؤال وجواب
لوقتليك بنساك..في زول بنسى روحو دحين؟
لوحتى كان مشغول لابد يشدو حنين
اصلو العشق غلاب
اصلو الغرام غلاب
مهما ندسو يبين
نقراهو في العينين ظاهر كانو كتاب
لو قتليك بنساك صدقني اكون كضاب
انت البنيت جواي للريدة سور وابواب


الفاتح إبراهيم بشير
الرجوع الى أعلى الصفحة اذهب الى الأسفل
 
أنا لو كتلني الشوق
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
ملتقى أبناء مروي وأبودوم :: ملتقى الشعر والكلمه-
انتقل الى: