ملتقى أبناء مروي وأبودوم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


Merowe and Abu Dom Forum sons
 
الرئيسيةالبوابةأحدث الصورالتسجيلدخول

 

 عم الزين للرائع الفاتح إبراهيم بشير

اذهب الى الأسفل 
2 مشترك
كاتب الموضوعرسالة
إبراهيم عبدالغفار
نائب المدير العام
نائب المدير العام
إبراهيم عبدالغفار


ذكر
عدد الرسائل : 165
العمر : 48
العمل/الترفيه : مهندس مساحة
تاريخ التسجيل : 12/05/2008

عم الزين للرائع الفاتح إبراهيم بشير Empty
مُساهمةموضوع: عم الزين للرائع الفاتح إبراهيم بشير   عم الزين للرائع الفاتح إبراهيم بشير Icon_minitimeالثلاثاء مايو 27, 2008 6:43 pm

عم الزين
يوم الناس قالولك لا لا
واترجوك ماتفوت الدار
ضرب بي كلامن عرض الحائط
وشلت شنيطتك بي اصرار
قلت بسافر يعني بسافر
كل الناس بتقوم وتسافر
فعلا قمت ومشيت رايك
واتصرفت بدون ماتشاور
جيت البندر بي امالك
الا لقيت الوضع مغاير
خاب الامل الجيت عشانو
وقمت تلوم في الزمن الجاير

****
كنت هناك بالجد متريح
فوق واطتك طالع ونازل
تاكل وتشرب من نخلاتك
وتصرف وتنفق من غير طايل
آخر اليوم لي بيتك ترجع
لا في مدافره لافي مشاكل
لابتقيف في بص شماعه
دمك فاير وعرقك سايل
لانشال ينشل ماهيتك
لاكمساري معالك متثاقل
لابتأشر للملاكي
سوقني معاك ياعم ان واصل
تحرج نفسك انت بتعرف
انو الطيبه انصارا قلائل
****
انو تعوم عكس التيار
انت براك البدري اخترت
ليه ياقلبي تنوح تتبكى
وتندب حظك ليل ونهار
****
لمن قمت وجيت البندر
كنت بظن الحال اتصلح
كنت بتحلم بي مستقبل
فيهو ابواب الخير تتفتح
الا لقيت الواقع امرّ
وزينا ناس تعبانه وتكدح
ناسا عايشه معيشة راقيه
بي تلفونا بتخسر وتربح
وناسا عايشه علي الماهيه
من يوم خمسه الجيب اتقمح
وناسا عايشه على خلق الله
يوما شحده ويوما تلفح
غايتو الحاله معادله صعبه
كأنو الناس قاعدين في مسرح
****
عتدي سؤال بالجد حيرني
ونشف ريقي وراهو نشاف
ليل ونهار شاغل تفكيري
لما بقيت انا منو اخاف
حال الزول القالو موظف
وراتبو الشهري شوية الاف
لو عديت مصروفو الشهري
اكيد تلقاهو اضعاف اضعاف
****

حلو معاي المسأله دي
وساعدوا معاي العم الزين
زول محمول وعندو اطفال
عشان ماياكلو يجيب من وين
يسرق ينهب يشحد
ولا كمان يغرق في الدين
عندو محمد واحمد وساره
وخمسه اطفال فوقم تومين
لازم يقرو وياكلو كويس
لازمن يلبسو لبسا زين
قولو معاي يسوي شنو
عشان مايعيشو يجيب من وين

****
عم الزين يعلمبو الباري
ديمه عليهو الجوف محروق
كان في الماضي ركازة الحله
وياهو البربط للمطلوق
هسه وين ياحليلو التايه
ودر واصبح جنو كلام
يصرف عربي مبالغ فيهو
وناس الحي سمو النضام
مرات يضحك لمن تشفق
ومرات يبكي بكا الايتام
عندو عباره تملي يقولا
اوعك تحسبا بالارقام
تتعب نفسك في تضريبا
وآخر حاجه تجيك اوهام
****
بعد الشفتو براك ياقلبي
اخير لك ترجع منك وليك
خلي وظيفة المكتب طايره
لا لا قسم مالايقه عليك
عود من تاني وازرع ارضك
دي مابتخدر الابايديك
عزة نفسك في واطتك
جنب نخلاتك وبين والديك


الفاتح إبراهيم بشير
الرجوع الى أعلى الصفحة اذهب الى الأسفل
بت قنديل
مشرف
مشرف
بت قنديل


انثى
عدد الرسائل : 67
العمر : 40
العمل/الترفيه : مهندسة
تاريخ التسجيل : 10/05/2008

عم الزين للرائع الفاتح إبراهيم بشير Empty
مُساهمةموضوع: رد: عم الزين للرائع الفاتح إبراهيم بشير   عم الزين للرائع الفاتح إبراهيم بشير Icon_minitimeالخميس مايو 29, 2008 10:35 am

عم الزين للرائع الفاتح إبراهيم بشير 15781510


عدل سابقا من قبل بت قنديل في السبت مايو 31, 2008 10:30 am عدل 1 مرات
الرجوع الى أعلى الصفحة اذهب الى الأسفل
إبراهيم عبدالغفار
نائب المدير العام
نائب المدير العام
إبراهيم عبدالغفار


ذكر
عدد الرسائل : 165
العمر : 48
العمل/الترفيه : مهندس مساحة
تاريخ التسجيل : 12/05/2008

عم الزين للرائع الفاتح إبراهيم بشير Empty
مُساهمةموضوع: رد: عم الزين للرائع الفاتح إبراهيم بشير   عم الزين للرائع الفاتح إبراهيم بشير Icon_minitimeالجمعة مايو 30, 2008 5:06 pm

بت قنديل كتب:
عم الزين للرائع الفاتح إبراهيم بشير It656349
الرجوع الى أعلى الصفحة اذهب الى الأسفل
 
عم الزين للرائع الفاتح إبراهيم بشير
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
ملتقى أبناء مروي وأبودوم :: ملتقى الشعر والكلمه-
انتقل الى: