إبراهيم عبدالغفار نائب المدير العام
عدد الرسائل : 165 العمر : 48 العمل/الترفيه : مهندس مساحة تاريخ التسجيل : 12/05/2008
| موضوع: لقيتك ..كلمات الاستاذ عبدالله التاج الإثنين يونيو 02, 2008 9:25 pm | |
| لقيتك وبرضى ما اتودر برغم قساوة الايام والزمن الصبح اغبر لقيتك فى مسار الليل جريحة خطاك تتعثر تلملمى ماضى ذكرانا من فجر الدجى الاسفر بتزرعى بذرة الامال على درب الهوى الاخضر
بليلى مجرجرى اللوبى مقالدى سبايب القنقر لقيتك غنوة فى الخرطوم عاجى صداها فى البندر
شدهنى خيالك المصلوب على عجل الزمن مجبر
رجعت حسب سنين عمرك لقيتن والضياع اكتر ترانيم حرفك المنقوش على وتر الغنا اتبعثر
لقيتك بحة الدوبيت مجلولة بين قوافى النم
ممرجحة فى صدى الاحزان طليقة لسانك اتلعثم
فتقة توبك المحتار مشدقة بى خيوط الهم
بتشربى من صميم مهجور برغم منابع الكوثر لقيتك حسبر الاهات تضمدى فى جدار الروح
تجففى بركة الاحزان من عمق الاسى المجروح
ملامح وجهك الضواى مودرة بين معالمو طموح
طموح مطموسة فى الاحزان مشادقى وجيهك البهر لقيتك ودعة محتارة مكنتلة فى عبل درويش تهز اعصابك النوبة مخربشك الزمن خربيش برغم جناحك المكسور تطيرى ان كان لقيتى الريش الا مشانق الايام دواليب لافى فى محور
| |
|
بت قنديل مشرف
عدد الرسائل : 67 العمر : 40 العمل/الترفيه : مهندسة تاريخ التسجيل : 10/05/2008
| موضوع: رد: لقيتك ..كلمات الاستاذ عبدالله التاج الأربعاء يونيو 04, 2008 11:03 am | |
| | |
|
إبراهيم عبدالغفار نائب المدير العام
عدد الرسائل : 165 العمر : 48 العمل/الترفيه : مهندس مساحة تاريخ التسجيل : 12/05/2008
| موضوع: رد: لقيتك ..كلمات الاستاذ عبدالله التاج الأربعاء يونيو 04, 2008 12:06 pm | |
| [quote="بت قنديل"] أشكرك علي التواصل وعلي المشاركات المتميزة.....يابنت قنديل تحياتي | |
|