ود بعشر عضو مشارك
عدد الرسائل : 60 العمر : 39 العمل/الترفيه : موظف تاريخ التسجيل : 12/05/2008
| موضوع: لما الحروف..... الخميس يونيو 05, 2008 4:12 pm | |
| لما الحروف تمرق تفتش قبلة الزول الوفي لما العيون تصدق تبين قوة احساسنا الخفي حتى الاسف يهدي الكلام للبسمة والهم يختفي ،،، ما غاب نجمنا الا يوم غابت اغاني الكادحين وما مات فرحنا الا يوم جفا الوفا الساقي الحنين نحنا البقينا بلا عمر،، ورمينا همنا في السنين اصبح عشمنا حزم غنى ترمينا في الشاطي الأمين ،،، لما الحروف تنبض وجع وتنزف علي الصفحات اسف ولما العيون تبدا الطمع وما ترمي الا على الهدف حتى الشمس يمكن تضن وتمنع ضياها عن الصَدف ،،، الدنيا أيه غير امنيات منسابة في مجرى العبير وغير زفة من الاغنيات ممزوجة بي فرح الصغير وما دام صحيح انو المصايب حددت سير المصير كيف يحزن الزول البشوف وكيف يضحك الزول الضرير ،،، لما الحروف تتحدى حزن الليل تشيلو من الصباح ولما العيون تتمنى خير النيل يعم كل البطاح ما بنلقى في جوف الزمن الا الغنى الصافي المباح ،،، شوفو الكنار ما لاقي عيش لكنو غرد وانتشى لمن لمح خيط الندى في صفحة الازهار مشى ليه ما نكون زي الطيور الفيها حب الغير نشا وليه ما نكون زي النسيم نهدي الزمان الوشوشة ،،، لما الحروف تصبح رياح وتوزع الشوق في الضفاف ولما العيون تمطر سماح في عزة الارض الجفاف حتى الزمن يزهر وفا وتلبس غنيواتنا الزفاف ،،، مليون عشم في الانتظار يتقلى في حر القلب ومليون قمر حافّي الطريق يهدينا لو الشوق ضِهب كل العيون تهتف تقول لازم نفي ولازم نحب ما الطيبة يا الناس الحنان راجانا في آخر الدرب ،،، لما الحروف تصبح عيون وناسة في جلسة هنا ولما العيون تصبح حروف افراحا فينا ومننا يادوب بنعرف كيف نكون ونعرف كمان معنى الغنى | |
|
بنت الشيوخ عضو مشارك
عدد الرسائل : 52 العمر : 41 العمل/الترفيه : مهندسة تاريخ التسجيل : 13/05/2008
| موضوع: رد: لما الحروف..... الجمعة يونيو 06, 2008 1:54 pm | |
| تسلم ود بعشر على النشاط والابداع تحياتى | |
|
إبراهيم عبدالغفار نائب المدير العام
عدد الرسائل : 165 العمر : 48 العمل/الترفيه : مهندس مساحة تاريخ التسجيل : 12/05/2008
| موضوع: رد: لما الحروف..... الجمعة يونيو 06, 2008 7:20 pm | |
| [quote="ود بعشر"] إبـــــــــــــــــــــــــــــــــــــــــداع .كلام جميل ياودبعشر إختيار موفق | |
|
ود بعشر عضو مشارك
عدد الرسائل : 60 العمر : 39 العمل/الترفيه : موظف تاريخ التسجيل : 12/05/2008
| موضوع: رد: لما الحروف..... السبت يونيو 07, 2008 3:46 pm | |
| مشكورين (ابراهيم & بت الشيوخ) | |
|
بت قنديل مشرف
عدد الرسائل : 67 العمر : 40 العمل/الترفيه : مهندسة تاريخ التسجيل : 10/05/2008
| موضوع: رد: لما الحروف..... الأحد يونيو 08, 2008 10:18 am | |
| | |
|