مروووووووووووووووي

أنا داير أقول ليكم حقيقة وماهو قولاً قصدي أخدع
كت بفتش في مثيله لفيت مليون ميل مربع
زي جماله أنا ما رأيت مروي مانوراً بيسطع
*******
قادرالله الجل فيها خلق طبيعتو وفيها أبدع
خلق مناظر فيها زينة حتي في أشكالا نوع
الصباح والناس بتنزل والشمس يادوب بتطلع
والنخيل فرحان يميل والسبيط لجريدو فدع
والمديين يداك مصفر واحدة واحدة رويسة بقع
أه لو تذوق طعمو اللذيذ ماأظنك منو تشبع
********
قادر الله
شوف حسن تعبان يسند والعرق من جسمو ترع
والتعب ظاهر عليهو حتي في هدمو المقطع
والله عالم إنو صابر يبني في أمالو يزرع
والخليل يداك مدنقر شايل الطورية يقرع
برضو شقيان في حياتو عشان وراهو ثلاثة شفع
وكلهم عافين تماماً إنو رزق الله أوسع
*********
قادرالله
نحنا فينا صغيرنا والله من صغير يا دوب بيرضع
أمو تسقيهو الشهامة وبالكرم يصبح مطبع
والشجاعة هي عاد أصلنا من ما قمنا وحتي هسع
عدونا لو داير عداوة مافي واحداً فينا بفزع
نقيف أماموا يمين صفوف لو يعبي علينا مدفع
لا بنهاب ولا بنجري منو ولافي واحداً فينا برجع
وماب نهان مهما بقينا وعاد محال لعدونا نخدع
غير إله خالق نفوسنا مستحيل لي غير نركع
دي الأصالة المن جدودنا راية ثابتة وشامخة لسع
ومابتقع لو نحنا موتنا ورانا أجيال ليها ترفع
*******
قادرالله

إبراهيم عبدالغفار

يا سلام يا سلااااااااااام يا ابراهيم يا رايع اتحفنا وطلع اشعارك الداسيها قبل ما افضحك

مرحب بيك فى ملتقى مروى وأبدوم
ومشكور على القصيده الرائعة
ونحن فى إنتظار المزيد

تسلم يا أبراهيم علي الكلمات الجميلة
تسلم تسلم يامبدع
ومنتظرنك تتحفنا بالمزيد

لا استغرب كثيرا فهذا الشبل من ذاك الاسد
*كدي ورينى الداسيهو*

rashid كتب:: يا سلام يا سلااااااااااام يا ابراهيم يا رايع اتحفنا وطلع اشعارك الداسيها قبل ما افضحك

مشــكور ياحبيب والله إنت الرايع الله يديك العافية
وبعدين يادفعة مافي داعي للفضايح بوريك كل المدسوس
أبشر يومي بديك الجديد يادفعة
تحياتي

احمد عوض الكريم كتب:: تسلم يا أبراهيم علي الكلمات الجميلة
تسلم تسلم يامبدع
ومنتظرنك تتحفنا بالمزيد

تسلم ياغالي
أنت سيد الإبداع
معليش أنا ماقدمت ليك شكر للدعوة إلي الملتقي
والله كانت في وقتها وكنت
منتظرة
مشــــــــــــــــــــــــــــــــكور ياغالي

بنت الشيوخ كتب:: [size=18]
لا استغرب كثيرا فهذا الشبل من ذاك الاسد
*كدي ورينى الداسيهو*

[/size]

هلا بنت الشــــــــــــيوخ

أحيك والله
أجمل حاجة إنك عرفتيني
عشان كدة عازمنك علي بوست التعارف

هلا بنت الشــــــــــــيوخ

أحيك والله
أجمل حاجة إنك عرفتيني
عشان كدة عازمنك علي بوست التعارف

[/quote]

البوست عازمنى عشان تعرفنى ولا شنو؟؟

بنت الشيوخ كتب:: هلا بنت الشــــــــــــيوخ

أحيك والله
أجمل حاجة إنك عرفتيني
عشان كدة عازمنك علي بوست التعارف

البوست عازمنى عشان تعرفنى ولا شنو؟؟

[/quote]
[center][b][i]أكييييييييييييييييييييييييييييييييييييييييد

يا أبوخليل قصيدتك فى مروى رائعه جدا طبعا مروى تستاهل الكثير يلا سمعنا بالله لك التحيه

عوض جاهورى كتب:: يا أبوخليل قصيدتك فى مروى رائعه جدا طبعا مروى تستاهل الكثير يلا سمعنا بالله لك التحيه

تسلم عوض جاهوري فعلاً مروي تستاهل الكثير والواحد مهما يقول مابيوفي حق مروي عليه
بس نتمني من الله إن من خلال هذا الملتقي إنو نقدم حاجة لأرضنا الغالية

تاريخ التسجيل : 01/01/1970

مشكورررررررررررررررررر ما قصرت