Merowe and Abu Dom Forum sons
 
الرئيسيةالبوابةالتسجيلدخول

شاطر | 
 

 رثاء للمرحوم يس عبدالعظيم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
إبراهيم عبدالغفار
نائب المدير العام
نائب المدير العام
avatar

ذكر
عدد الرسائل : 165
العمر : 42
العمل/الترفيه : مهندس مساحة
تاريخ التسجيل : 12/05/2008

مُساهمةموضوع: رثاء للمرحوم يس عبدالعظيم   السبت نوفمبر 01, 2008 7:51 pm


لو ما العمر بدري انكتب في اللوح
اوكان النفوس تتفدى روح بروح
ماكت مت ياغريد بلابل الدوح
وحى واوحيح قلباً عليك مجروح
يــــــــــــــــــــــــــــــس
بنتوت الشعر الليلة ليه ساكتات
هيلن ومنحن ونوحن مع النيحات
ابكن وسكلن الجنا المايتولد لمات
فى ليل الغلابة وحمتو والشافعات
يالها سون الحى ووووب عريسكن مـات
وماتت طيبت الوجه التملى صبوح
احى واوحيح قلباً عليك مجروح
يــــــــــــــــــــــــــــــــس
قوللو يالنجم السطع فى سماك
قبت بلا خبر شن شفتا فى دنياك
صغير مابقيت مالو القبير ضماك
لاشفتا الجديد لانحن سيرناك
واسفى الشديد واسفاً عليه صباك
يالقطع قلوباً كانت عزاها غناك
قطع كبد ابوك وامك الرجاك
اخواتك يجرن فى المناحة نباك
واخوانك منو الفيهم عليك مابنوح
واحى واوحيح قلباً عليك مجروح
يــــــــــــــــــــــــــــــــــــس
ماكت داير اجامل فيك يوم الشين
قصدى القاك عريس بين العديل والزين
قصدى تهزو صوتك والجنات راكزين
وقصدى غنى البنات والسيرة ليسين
حفض الفرحه فوق عتب الفريق عارزين
كربة وبكر والعفاض شمال ويمين
راجين يوم جديدك وكلهم دايرين
يردولك جمايلك يالوليد الزين
وياريت كت عشت وكل الامانى تروح
وحى واوحيح قلباتً عليك مجروح
يـــــــــــــــــــــــــــــــــــــس
ليشن يالرميلة شمالنا مايحزن
باينة احزانو فوق نخلو انتنى ودندن
فى النيل والجروف وفى الصوبن وعدن
فى رقصة بنية مع السلك الوقف مارن
فوق قيزان رمالو الهيلن وكبن
حزين اتك وليدو المفى ليه ثمن
ويابخت التراب الضمه كل الفن
وضمه اجمل رسالة شموخ
وحى واوحيح قلباً عليك مجروح
يـــــــــــــــــــــــــــــــس
يس جاك غريب اغفرلو يامولاى
غفران زلت العبد الدوام نساى
سحاب الرحمة فوق قبرو اليكب بكاى
ودخلو منزلت عبداً تقى صلاى
وعوضو فى شبابو الجنة ياعطاى
وزوجو من حسان كان للحسان غناى
وانت الباقى ازل وكل الخليقة تروح
وحى واوحيح قلـباً عليك مجروح

_________________
لاني قادر أقول كفاية ولاني راضي أكون ضحية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسيرة الشوووق
عضو جديد
عضو جديد
avatar

انثى
عدد الرسائل : 36
العمر : 31
الموقع : http://marowe.yoo7.com/profile.forum?mode=editprofile
العمل/الترفيه : طالبه
تاريخ التسجيل : 13/05/2008

مُساهمةموضوع: رد: رثاء للمرحوم يس عبدالعظيم   الثلاثاء نوفمبر 25, 2008 3:50 pm

اللهم اغفر له وارحمه واسكنه فسيح جناتك مع الصديقين والشهداء
.........................
لك جزيل الشكر اخي ابراهيم علي هذه المرثيه لبلبل الشمال الذي كل ما ذكرالطمبور حضر وهو غائب له الرحمه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
إبراهيم عبدالغفار
نائب المدير العام
نائب المدير العام
avatar

ذكر
عدد الرسائل : 165
العمر : 42
العمل/الترفيه : مهندس مساحة
تاريخ التسجيل : 12/05/2008

مُساهمةموضوع: رد: رثاء للمرحوم يس عبدالعظيم   الثلاثاء نوفمبر 25, 2008 5:02 pm

يديك العافية أسيرة الشووق
وين الناس

_________________
لاني قادر أقول كفاية ولاني راضي أكون ضحية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسيرة الشوووق
عضو جديد
عضو جديد
avatar

انثى
عدد الرسائل : 36
العمر : 31
الموقع : http://marowe.yoo7.com/profile.forum?mode=editprofile
العمل/الترفيه : طالبه
تاريخ التسجيل : 13/05/2008

مُساهمةموضوع: رد: رثاء للمرحوم يس عبدالعظيم   الخميس نوفمبر 27, 2008 2:57 pm

إبراهيم عبدالغفار كتب:
يديك العافية أسيرة الشووق
وين الناس

والله ما عرفت الحاصل شنو زاتو ...
ولكن سنظل في المنتدي ولن ينقطع أملنا أبدا الى ان يعود الغائبين بالسلامه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رثاء للمرحوم يس عبدالعظيم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى أبناء مروي وأبودوم :: ملتقى الشعر والكلمه-
انتقل الى: